ҰОК мәнерлеп сырғанаушы М.Шайдоровқа грант бөлді

Ұлттық олимпиада комитеті мәнерлеп сырғанаушы Михаил Шайдоровқа Олимпиадаға дайындалуы үшін грант бөлді. Мұндай бір реттік қолдау шарасы алдағы олимпиадалық маусымға арналған. 2022 жылы грант фристайл-акробатика бойынша ұлттық құрамаға берілген болатын.

Айта кетейік, бұған дейін Ұлттық құраманың мақтанышы Михаил Шайдоров Қытайдың Харбин қаласында өткен Азия ойындарында қола жүлде еншіледі. Одан соң Оңтүстік Кореяда болған төрт құрлық біріншілігінде чемпион атанды. Артынша наурызда АҚШ-та өткен әлем чемпионатында күміс медаль жеңіп алып, 2026 жылғы Олимпиадаға жолдама алды.

Асылбек Данияр