Жаңалықтарды Telegram арнамыздан оқыңыз!Қазақстанның жұптық сындағы бірінші, әлемнің 9-ракеткасы Анна Данилина Ұлыбританияда өтіп жатқан WTA 250 турнирінің жартылай финалына жолдама алды. Отандасымыздың жұбы – чехиялық Мари Боузкова. Олар ширек финалда жарыс қожайындарына қарсы ойнады. Алғашқы сетте қазақ-чех дуэті 6:4 есебімен басым түсті. Ал екінші партияда қарсыластар дес бермеді. Әр жұп өз геймін еншісіне жазып, матч тай-брейкке жалғасты. Шешуші сәтте Анна мен Мари 7:1 есебімен басым түсті. Енді бұл жұп финалға өту үшін британиялық спортшыларды жеңуі керек.
Асылбек Данияр
