Жаңалықтарды Telegram арнамыздан оқыңыз!Алматыдағы Сайран көлі аумағында полиция қызметкерлері профилактикалық шараларды күшейтті.
Еріктілер мен тәртіп сақшыларынан жасақталған мониторингтік топ, келушілерді қоғамдық орындарды ластамауға, тазалықты сақтауға шақырды. Көлге күн сайын шамамен 4000-ға жуық адам келеді. Аумақта 124 қоқыс жәшігі мен бейнебақылау камералары орнатылған. Ал еріктілер таңертең және кешке күнделікті тексеру жүргізеді. Одан бөлек, көл аумағында күн сайын 40 коммуналдық қызметкер жұмыс істейді. Олар күніне орта есеппен 5 тонна тұрмыстық қатты қалдықты шығарады, дейді қала әкімдігі.
Бағдат Анарбаева, қалалық еріктілер фронт-офисінің басшысы:
Экомониторинг дегеніміз – біз тұрғындарымызға ең алдымен артын жинап кетуді, тазалықты сақтауды түсіндіріп, түсіндірме жұмыстарын жүргіземіз. Одан бөлек, ластанған жерлер болса, сол жерлерді тазартып, тазалықты сақтауға тырысамыз. Күнделікті қоқыс тасталуы азайып жатыр деп айтсам болады.
Айдана Қуантхан
