Астанада халықаралық ЖИ орталығы ашылады

Елімізде ALEM AI деп аталатын халықаралық жасанды интеллект орталығы ашылады. Орталық EXPO аумағындағы 8 қабатты шар пішінді ғимаратта орналасады және әр қабат жасанды интеллектінің өмірлік циклінің бір сатысын қамтиды. Онда 18 айлық оқу мектебі де болады. Студенттер 50-ден астам жоба жасап, 20-дан астам бағдарламалау тілін меңгереді. Жалпы орталықтың мақсаты жасанды интеллек индустриясын дамыту, ғылыми зерттеулерді қолдау, инновациялық өнімдерді коммерцияландыру және салаға инвестиция тарту.

Оңғар Алпысбайұлы