Астанадағы әлем кубогына Өзбекстанның қыздар құрамасы келуі мүмкін

Өзбекстанның бокс құрамасы айтқан райынан қайтты. Олар Астанада өтетін World Boxing Әлем кубогының кезеңінде тек әйелдер командасымен қатысатын болады. Бұл туралы Қазақстан Бокс федерациясы хабарлады. Бұған дейін Ұлттық құрамасы бас бапкері Қайрат Сәтжанов өзбек командасы жарысқа қатысудан бас тартқанын айтқан еді. Әзірге Өзбекстан құрамасының федерациясы ресми шешімді хабарлаған жоқ. Жалпы жарыстың өзі 30 маусымда басталып, 7 шілдеде аяқталады. Оған 30-дан астам елден 300-ге жуық былғары қолғап шебері қатысады. 

Асылбек Данияр