Қытайдың оңтүстік-батысында тасқынмен күрес жалғасып жатыр

Қытайдың оңтүстік-батысындағы Гуйчжоу провинциясында су апатымен күрес жалғасып жатыр. Бұл аймақта алапат тасқынның басталуына төпелеп жауған жаңбыр себеп болды. Соңғы мәліметке қарағанда, жаңбырдан лай көшіп, тау арасындағы көпірдің бір бөлігі құлады. Ал сол сәтте жол шетіне кабинасы шығып қалған жүк машинасындағы адамдар түгелдей құтқарылды. Мұны «ССTV» телеарнасы хабарлап отыр. 

Айта кетсек, қазір Қытайдың оңтүстігі мен оңтүстік-батысында бірнеше провинция тасқыннан зардап шегіп отыр. Оларда мыңдаған адам қауіпсіз жерге көшірілген. Қаза тапқандар немесе жараланғандар туралы мәлімет түскен жоқ. 

Арыстан Рысбек