Жаңалықтарды Telegram арнамыздан оқыңыз!Түркістан облысында «Заң мен тәртіп – әділетті Қазақстанның кепілі» атты жылжымалы қоғамдық қабылдаулар өтіп жатыр. Азаматтардың құқықтық сауаттылығын арттыруға бағытталған іс-шара Сарыағаш, Қазығұрт және Арыс ауданында өтті. Түркістан қаласында да прокуратура, әкімдік және құқық қорғау органдарының өкілдері тұрғындарды қабылдады. Олардың өтініштері мен шағымдарын тыңдап, заң аясында жауап берді. Ал кеңес алуға келгендерге түсіндіру жұмыстары жүргізілді. Осылайша өңірдің әр ауданынан келген жүзге жуық азаматқа құқықтық көмек көрсетілді.
Олжас Мұсаев, Түркістан қаласы прокурорының орынбасары:
Бұл шараның басты мақсаты - тұрғындардың құқықтық мәселелерін тыңдап, жедел шешіп беру мәселесін қарау. Сондай-ақ азаматтардың құқықтық сауаттылығын арттыру және халық пен құқық қорғау органдарының арасындағы байланысты нығайту.
Айнұр Әбілқасымқызы
