Жаңалықтарды Telegram арнамыздан оқыңыз!Ұлттық жобаларды басқару кеңсесі тиімділігін көрсетті. Себебі осы жүйе арқылы елімізде жүзеге асып жатқан кез келген жоба жайлы ақпарат алуға болады. Ақпарат алып қана қоймай, туындаған проблемаларды дер кезінде шешуге мүмкіндік бар. Бұл Цифрлық даму министрлігінің тікелей бастамасымен қолға алынған. Үш жылға жуық уақыт ішінде 10 мыңнан аса ұлттық жоба цифрлық жүйеге енгізілген. Мысалы, «Келешек мектептері» жобасын алайық. Бастама аясында қай өңірде қанша мектеп салынып жатқанын Ұлттық жобалар кеңсесі арқылы көруге болады.
Ұлжан Оспанова, Цифрлық үкіметті қолдау орталығының Жобаларды мониторингтеу және басқару орталығының сеньор директоры:
Жобалар кеңсесінің тиімділігі – Барлық мемлекеттік бастамалардың нақты қандай кезеңінде тұрғанын, нақты қанша ақша бөлініп жатқанын, оны кім қалай жүзеге асырғанын, дұрыс жүргізіліп жүр ме, дұрыс жүргізілмей жүр ме, соның бәрін бақылауға атсалысамыз. Жергілікті басқарушы органдар, орталық басқарушы органдар және проектіні басқарушылар осы жүйеде жұмыс жасап жатыр.
Самал Қабышева
