Жаңалықтарды Telegram арнамыздан оқыңыз!Ресейдің шығыс Сібір аймағында орман өртімен күрес жалғасып жатыр. Соңғы мәліметке қарағанда, Забайкалье өлкесінде 350 гектар жасыл желекті жалын шарпыған. Осыған байланысты Атамановка деревнясының тұрғындары қауіпсіз жерге көшірілді. Елдің Төтенше жағдайлар министрлігінің дерегінше, тілсіз жаумен күреске 30-дан астам арнайы техника тартылды. Солардың қатарында ұшақтар бар. Өрт сөндірушілердің сөзінше, оттың қаулауына 35 градус аптап ыстық пен қатты жел себеп болған. Әзірге зардап шеккен адамдар туралы мәлімет түскен жоқ.
Арыстан Рысбек
