1,6 млрд теңге сомада интернет-алаяқтықтың жолы кесілді

Технологиялар қарқынды дамып, қылмыстық схемалар күрделене түскен шақта Қазақстан полициясы жұмыс тәсілдерін жаңартып, заманауи қауіп-қатерлерге қарсы жұмыстарды жалғастырып жатыр. Мәселен, Ішкі істер министрлігі интернет-алаяқтықпен күрес бағытында 1,6 млрд теңгеден астам қаражаттың алаяқтардың қолына түсуіне жол бермеген. Сондай-ақ 74 sim-бокс пен 88 мыңнан астам sim-карта тәркіленіп, ауыстырылған нөмірлер арқылы жасалған 67 миллионға жуық халықаралық қоңырау бұғатталған. Бұған қоса, полиция жол қауіпсіздігін жақсартуға және құқық бұзушылықтарды азайтуға ықпал ететін жол қозғалысы ережелерін бұзуды автоматты түрде тіркеу жүйелері сияқты заманауи технологиялық шешімдерді енгізуде.

Темірлан Нұрсолтан