Алматыда балалар мінген автобустың жүргізушісі мас болған

Алматыда балалар мінген автобусты мас күйде тізгіндеген жүргізуші ұсталды. Полицейлер әл-Фараби даңғылында балаларды лагерьге апара жатқан шағын автобустар колоннасын тексеру кезінде бір жүргізушінің мас екенін анықтаған. Жеткіншектер Алматы облысындағы балалар лагеріне бара жатқан. Наркологиялық сараптама ер адамның ағзасында алкоголь барын растаған.

Салтанат Әзірбек, Алматы қалалық ПД ресми өкілі:

Полиция қызметкерлері жүргізушіні дереу көлік құралын басқарудан шеттетті. Автобус мамандандырылған айыппұл тұрағына орналастырып, материалдар заң аясында шешім қабылдау үшін Алматы қаласының ауданаралық мамандандырылған әкімшілік сотына жіберілді.

Жазира Оразқызы