Дзюдодан Әлем чемпионаты аяқталды

8 күнге ұласқан дзюдодан Әлем чемпионаты аяқталды. Ұлттық құрама Мажарстандағы жарыста тек 1 күміс жүлде еншіледі. Абибаның жалғыз жүлдесінің арқасында Қазақстан жалпыкомандалық есепте 11-орыннан көрінді. Біріншіліктің 6 алтыны жапон балуандарына бұйырып, көш бастады. Кестенің екінші сатысына жеке бейтарап спортшылар жайғасса, үздік үштікті Италия құрамасы түйіндеді. Бүгін командалық аралас сында қазақстандық татами шеберлері бірінші айналымда-ақ жарыс жолынан шығып қалды. Бразилия құрамасы 4:0 есебімен басым түсті. Бұл сында Көркем Орымбек, Ермахан Әнуарбеков, Ақерке Рамазанова, Еламан Ерғалиев күресті. 

Асылбек Данияр