ШҚО-да туристердің қауіпсіздігі GPS арқылы бақыланатын болды

Енді шығысқа барған туристер қауіпсіздіктерін өздері қамтамасыз ете алады. Әр адам ұялы телефонға арнайы QR-кодты сканерлейді. Сол жүйе арқылы құтқарушылар туристердің баратын бағыты мен жүретін жолын бақылап отырады. Бұл жүйені пайдалану үшін смартфон арқылы арнайы кодты сканерлеген соң, бірнеше сауалға жауап беру қажет. Тауда оқыс жағдайға душар болса немесе орманда адасып кетсе, туристерге төтенше жағдайлар қызметінің мамандары дереу көмекке келеді. Бағдарлама 4 тілде жұмыс істеп тұр.

Арман Наурызбаев, ШҚО ТЖД басқарма бастығы:

Туристерге уақыттарын 1-2 минут алады. Онда оңай бес сұрақ қойылады, құтқарушыларға ол төтенше жағдай кезінде туристерді тез табуды оңайлатады. Өйткені онда аты-жөні, қанша адам, қай маршрутпен және мобильдік нөмірлері жазылады.

Олжас Керейхан