БҚО-да полицейлер толғақ қысқан әйелге шұғыл көмек көрсетті

Батыс Қазақстан облысында полицейлер толғақ қысқан әйелге шұғыл көмек көрсетті.

Ақжайық ауданы аумағындағы Орал-Атырау тасжолында көлік жүргізушісі полицейлерді тоқтатып, көмек сұраған. Тәртіп сақшылары Исаин Қоғабаев пен Еламан Аманжанов жүкті әйел мен медициналық қызметкерді қызметтік көлікке отырғызып, арнайы дыбыстық және жарық сигналдарын пайдалана отырып, оларды аудандық перзентханаға жеткізген. 24 жастағы әйел аман-есен босанып, қыз тапты. Жедел әрекет еткен полиция қызметкерлеріне алғыс айтты.

Ардақ Мұратқызы