Қарағанды облысының Абай ауданы ауызсумен толық қамтылады

Қарағанды облысы Абай ауданына қарасты екі ауылда алғаш рет орталық су құбыры тартылуда. Қос елді мекенде 500-ге жуық тұрғын бар. Ягодный ауылында жұмыс аяқталуға жақын. Барлық құбырлар тартылған. Маусым айының соңына дейін аяқталады деп күтілуде. Бұдан кейін тұрғындар техникалық шарттарды алып, өз бетінше қосылады. Ал Садовое ауылында жұмыс тек 50 пайызға ғана дайын. Бірақ қыркүйек айына дейін толық тапсыруды көздеп отыр. Онда 4,2 км су құбырының 1,7-сі тартылып, 21 құдық орнатылған. Осылайша Абай ауданында халықты сапалы ауызсумен қамту 100 пайызға аяқталмақ.

Бахтияр Мырзалов, аудандық құрылыс бөлімінің басшысы:

Садовое мен Ягодный ауылдарында 500-ге жуық адам тұрады. Тұрғындарға қолайлы болуы үшін әр үйге су тарту жобасы әзірленді. Оған магистральды желілер тарту, су айдайтын мұнаралы сорғы станцияларын орнату кіреді. Бүгінде жұмыс қарқынды жүруде.

Жандос Бақытұлы