Мемлекет екі аяғынан айырылған қыз бала мен анасына өмір бойы қолдау көрсетеді

Астанада автобус апатының кесірінен екі аяғынан айырылған қыз бала мен анасына мемлекет тарапынан өмір бойы қолдау көрсетіледі. Бұл жөнінде Еңбек және халықты қорғау министрі Мәжіліс кулуарында мәлімдеді. Светлана Жақыпованың сөзінше, қыздың анасына да әлеуметтік көмек қарастырылған. Бірінші топ мүгедектігі бойынша 100 мың теңгеден астам жәрдемақы тағайындалмақ. Ал анасына мүгедектігі бар баланы тәрбиелеп отырғаны үшін 78 мың теңге қарастырылған. Светлана Жақыпова қыз баланың аяғын протездеу және оңалту бойынша қызметтердің барлығын министрілік бақылауға алатынын айтты. 

Самал Қабышева