Мәжіліс республикалық бюджеттің атқарылуын қарап жатыр

Бүгін Мәжіліс республикалық бюджеттің атқарылуы туралы есепті қарап жатыр. Үкімет және Жоғарғы аудиторлық палата қаржының игерілуі мен бағытталуы туралы есеп береді. 

Оңғар Алпысбайұлы, тілші:

Отырыс жаңа ғана басталды. Бірінші кезекте бюджет қаралады. Бұған дейін жарияланған ақпарат бойынша 2024 жылы республикалық бюджеттің кірістері 19,6 триллион теңге. Ал шығыстар 23,1 триллион теңгеге жуықтаған. Негізгі қаражат әлеуметтік салаға, оның ішінде білім беру, денсаулық сақтау және зейнетақы төлемдеріне жұмсалған. Жоғары аудиторлық палатаның мәліметінше, бюджетті игеру кезінде бірқатар министрліктерде қаржының мақсатсыз жұмсалуы мен тиімсіз жоспарлау фактілері тіркелген. Бұл — бюджет шығыстарының тиімділігін арттыру қажеттігін тағы бір мәрте көрсетіп отыр. Бүгінгі күн тәртібінде Қазақстан Республикасы мен Халықаралық Қайта құру және Даму Банкі арасындағы қарыз туралы келісімді ратификациялау, сондай-ақ, қылмыстық жолмен алынған кірістерді заңдастыруға және терроризмді қаржыландыруға қарсы іс-қимыл мәселелері де бар. 

Оңғар Алпысбайұлы