Орталық Азия елдерінің Президенттері Қазақстанға келді

Қырғызстан, Түрікменстан, Тәжікстан, Өзбекстан елдерінің Президенттері Қазақстанға келді. Ұшақтар елорда әуежайына қонды. Мемлекет басшылары «Орталық Азия – Қытай» саммитіне қатысады. Президенттерді Үкімет басшысы Олжас Бектенов қарсы алды. Қазақстанның көршілес елдермен ынтымағы бекем. Биыл 4 айдың ішінде Қазақстан мен Қырғызстан арасындағы тауар айналымы 25 пайыздан асып, 435 млн долларға жетті. Ал Түрікменстанмен арадағы тауар айналымы 555 млн доллардан асты. 2024 жылдың қорытындысы бойынша Қазақстан мен Өзбекстан арасындағы сауда-саттық 4 млрд доллардан асты. 

Самал Қабышева