Атыраудағы «Ақжайық» мемлекеттік табиғи резерваты аумағындағы қамыс өрті өшірілді

Атыраудағы «Ақжайық» мемлекеттік табиғи резерваты аумағындағы қамыс өрті ауыздықталды. Қызыл жалынның жалпы ауданы 805 гектарды құраған. Жауаптылар тілсіз жаудан елді мекендер зардап шекпегенін айтады. Өртті өшіруге 100-ден астам қызметкер және 25 техника мен бір тікұшақ жұмылдырылды. МИ-8 тікұшағы 33 рет әуеге көтеріліп, 100 тоннаға жуық су шашқан. Әзірге тілсіз жаудың неден шыққаны туралы ақпарат жоқ. Айта кетейік, резерваттағы қамыс жыл басталғалы 3-ші рет отқа оранды.

Нұрсұлтан Нұрсейіт