Жаңалықтарды Telegram арнамыздан оқыңыз!Атырау облысы Құлсары қаласында жолаушылар автобусы жол жиегіне шығып кетіп, 6 адам зардап шекті. Жүргізуші көлік басқаруына ие бола алмай, бірнеше көше жарығының бағанасын, сондай-ақ «Аркан» жылдамдықты өлшеу камерасын құлатқан. Жол-көлік оқиғасы салдарынан 6 жолаушы түрлі жарақатпен Жылыой аудандық орталық ауруханасына жеткізілді. Науқастардың жағдайы әзірге хабарланбады. Ал жүргізушіге қатысты әкімшілік хаттама толтырып, іс Жылыой аудандық сотына жолданды.
Нұрсұлтан Нұрсейіт
