АҚШ Бағдадтағы дипломаттарын эвакуацияламақ

АҚШ Ирак астанасы Бағдадтағы елшілігінің негізгі емес персоналдары мен олардың отбасыларын эвакуацияламақ. Мұны мемлекеттік департамент мәлімдеді. Алайда, бұл шешімнің нақты себебі әзірге белгісіз. Дегенмен Американың «Си-би-эс» телекомпаниясының хабарлауынша, Вашингтон Израиль Иранға әскери операция бастауды жоспарлап отырғанын анықтаған. Құрама Штаттар мұндай жағдайда Иран АҚШ-тың Ирактағы кейбір нысандарына да соққы береді деп қауіптене бастаған. Ал «Нью-Йорк Таймс» газетінің мәліметінше, Ислам Республикасы өзіне шабуыл жасалса, Израильге жүздеген баллистикалық зымыранмен жауап қайтаруға дайын.

Арыстан Рысбек