Лос-Анджелесте 400-ге жуық адам қамауға алынды

АҚШ-тың Лос-Анджелес қаласында коменданттық сағаттан кейін сәл тыныштық орнаған. Алайда Америка қалалары ірі шеруге дайындалып жатыр. Сенбіде күллі ел аумағында Дональд Трамптың саясатына қарсы ауқымды митингтер өтпек. Наразылық акцияларының саны 1800-ден асуы мүмкін. Ал Лос-Анджелесте миграциялық рейдтерге қарсы 5 күндік шеру барысында 400-ге жуық адам ұсталған. Олардың 330-ы - заңсыз мигрант, 157-сі шабуылдар мен басқа да заң бұзушылықтар үшін қамауға алынды. Бір адам полиция қызметкерін өлтіруге әрекет жасады деген күдікке ілінді. Тәртіпсіздіктерді басуға ұлттық гвардияның 4 мыңға жуық жауынгері, теңіз күштерінің 700 қызметкері тартылған.

Арай Төлегенқызы