СІМ: Лос-Анджелестегі тәртіпсіздіктен зардап шеккен қазақстандықтар жоқ

Лос-Анджелестегі тәртіпсіздіктен зардап шеккен Қазақстан азаматы жоқ және ол жақтағы қазақстандықтар эвакуацияланбайды. Себебі, әскери қимылдар жоқ, әуежайлар қалыпты жұмыс істеп тұр. Сыртқы істер министрлігінің ресми өкілі Айбек Смадияров осылай дейді. Ал, заңсыз жүргендер өз еркімен елге қайтқаны жөн.

Айбек Смадияров, ҚР Сыртқы істер министрлігінің ресми өкілі:

Лос-Анджелесте жағдай күрделі, бірақ біздің қазақстандықтар хабарласқан жоқ көмек көрсетіңдер деп. Егерде заңсыз жүрген адамдар болса дүрбелең жағдайға түсіп қалмай бірден елге қайтсын. Ал көп адамдар біздің заңсыз жүрген мигранттарға неге көмектеспейсіңдер дейді. Қалай көмектесеміз? Заңсыз барған адамды заңдастыр деп америкалық үкіметке өтініш білдірейік пе? Ол дұрыс емес қой. 

Серік Жұмабек