Лос-Анджелестің орталығына жиналуға заңмен тыйым салынды

Бүгін АҚШ-тың Лос-Анджелес қаласының орталығына жиналуға заңмен тыйым салынды. Бұл туралы хабарлама шерушілерге телефон арқылы таратылған.

Айта кетсек, Лос-Анджелесте заңсыз мигранттарды тұтқындау операцияларына қарсы шерулер үшінші күнге ұласып отыр. Демонстрация барысында көптеген көлік өртелді. Тәртіпсіздіктерді тоқтату үшін қалаға ұлттық гвардия жауынгерлері енгізіліп, көзді жасаурататын газ қаруы мен құлақты шуылдататын граната қолданылды. Ал Пентагон бұл операцияға армияны да тартуы мүмкін екенін жоққа шығармай, теңіз күштерін жоғары дайындыққа көшірген. Кейбіреулер шеруге Мексика туын ұстап шықты. Жалпы мегаполистің Парамаунт ауданы тұрғындарының 80 пайызы – Латын Америкасы елдерінен.

Арыстан Рысбек