Семейде 350 азаматты алдаған қаржы пирамидасы әшкереленді

Семей қаласында 350 азаматты алдаған қаржы пирамидасы әшкереленді. «Rakhat0425» деп аталатын ұйым азаматтардан қаржы жинап, мемлекеттік сатып алуға қатысы бар жалған инвестициялық жобадан 30% дивиденд уәде еткен. Осылайша 790 миллион теңгеден астам қаражатты қолды қылған.

Ернар Тайжан, ҚР Қаржылық мониторинг агенттігінің ресми өкілі:

Күдіктілер азаматтарды пәтерлерін төмен бағамен беруге көндіріп, кейін оларды үшінші тұлғалардың атына рәсімдеген. Бұл мүлік «инвестициялық жарна» ретінде бағаланған. Қазіргі уақытта екі күдікті қамауға алынып, үшіншісіне үйқамақ түріндегі бұлтартпау шарасы қолданылды.

Ақниет Балтанова