Басты Жаңалықтар Атырау облысында 8 жасар қыздың денесі табылды

Атырау облысында 8 жасар қыздың денесі табылды

06.06.2025 19:56

Атырау облысы Құлсары қаласында 8 жастағы қыздың мәйіті табылды. 5 маусым күні кешке полицейлерге жеткіншектің жоғалып кеткені туралы хабарлама түскен. Бейнебақылау камераcына оның Құрсай өзенінің жағасында белгісіз ер адаммен кетіп бара жатқан сәті түсіп қалған. Сол күні түнде іздестіру нәтижесінде баланың денесі өзен жағасындағы қамыстардың арасынан табылды. Полиция күдіктінің кім екенін анықтап, 36 жастағы Құлсары қаласының тұрғынын қамауға алды.

Нұрхат Оразбаев, облыстық ПД бастығы:

Бала жоғалғаны туралы хабар түскен бойда барлық күш жұмылдырылды. Өкінішке қарай баланың мәйіті табылды. Марқұмның туыстарына көңіл айтамыз. Мұндай қылмыстарға ешқандай ақтау жоқ. Кінәлі ең қатаң жазасын алады.

Нұрсұлтан Нұрсейіт

Автор

Нұрсұлтан Нұрсейіт

Бөлісу