Су үнемдеу технологиясын пайдаланбайтындарға субсидия азаяды

Су үнемдеу технологиясын пайдаланбайтын шаруаларға берілетін субсидия азаяды. Су ресурстары және ирригация министрлігінің өкілдері осылай деді. Биыл ауа температурасының жылдағыдан жоғары болуына байланысты вегитациялық кезең әдеттегіден 20 күнге ерте басталды. Оңтүстік өңірлерде топырақтың беткі қабатында ылғал да аз. Сондықтан су 50 пайызға көбірек пайдаланылып жатыр дейді мамандар. Мұндай жағдайда бүркіп немесе тамшылатын суару жүйелерін орнату ынталандыру жұмыстары күшейеді. Суды аз тұтынғандарға мемлекеттен қаржылай көмек көбейе береді, дейді олар.

Берікбол Мәндібаев, ҚР Су ресурстары және ирригация министрлігінің департамент директоры:

Су үнемдеу технологияларын қолданатын шаруалар 60 пайыздан 85 пайызға дейін алған суы үшін субсидия алады. Ал суды пайдаланған кезде су үнімдеу технологияларын пайдаланбайтын шаруалардың субсидиясы осы 2024 жылдан бастап 50 пайыздан 75 пайызға төмендеді. 2026 жылы 30 пайыздан 55 пайызға төмендейді.

Оңғар Алпысбайұлы