Таразда колледж директоры қаржы жымқырды деген күдікке ілікті

Орта оқу орнындағы зерделеу жұмысының соңы тергеуге ұласты. Таразда ЖД-158/4 түзету мекемесі жанындағы колледж басшысы қаржы жымқыру дерегімен тергеуге алынды. Директорға дәрісте жоқ сотталушылар үшін 25 млн теңгені талан-таражға салды деген айып тағылды. Прокуратура 3 жыл бойы 132 жазасын өтеушінің бірде-біреуі сабақта болмағанын анықтады. Ал қағаз жүзінде қатысқан деп көрсетілген. Сотталушылар білім алудың орнына басқа жұмыстарға жегілген болуы мүмкін дейді. Жалпы, түрме ішіндегі №15 колледж мемлекет қаржысы есебінен жыл сайын 300-ге жуық сотталушыға кәсіптік және техникалық білім береді.

Жүсіп Ерлібай, Жамбыл облысы прокурорының аға көмекшісі:

Оларға білім берілмеген. Соның салдарынан 25 млн 500 мың теңге көлемінде қаржы жымқыру дерегі анықталып отыр. Қазіргі уақытта тергеу әрекеттері Экономикалық тергеп-тексеру департаментіне тапсырылды. Тергеу әрекеті жалғасуда.

Данияр Әлімқұл