Автобус апаты: Жолаушының аяғы ампутацияланды

Астанада автобус апатынан зардап шеккен бір жолаушының аяғына ампутация жасалды. Бұл туралы қалалық қоғамдық денсаулық сақтау басқармасы хабарлады. Кеше елордадағы автобуспен болған жол апаты кезінде жедел медициналық жәрдем бригадалары қала стационарларына барлығы 15 адамды жеткізді. Олардың үшеуі ауруханаға жатқызылды. Қалғандары үйлеріне жіберілген. Ауруханаға жатқызылғандардың жағдайы тұрақты ауыр және өте ауыр дейді дәрігерлер. Бір науқастың аяғының төменгі бөлігі кесілген.

Айта кетейік, автобус жүргізушісі рөлге ие бола алмай, жол жиегіндегі бағанға соғылды. Жол апатына қатысты полиция қылмыстық іс қозғады. 

Азамат Бейбітұлы