Хиуаз Доспанова туралы жаңа кітап жазылды

«Хиуаз Доспанова кім?» — дәл осындай атаумен жаңа туындының тұсауы кесілді. Кітапта Халық қаһарманы, Ұлы Отан соғысының аңызға айналған ұшқышы Хиуаз Доспанованың өмірі мен ерлігі туралы тың деректер қамтылған. 2 000 данамен жарық көрген бұл еңбек 4–8 сынып оқушыларына арналған.

Кітап авторлары — белгілі журналист Тұрсын Қалимова мен балалар ақыны, журналист Серікбол Хасан. Олар бұл еңбектің балалардың бойына патриотизм мен отансүйгіштік рухын сіңіруге айрықша ықпал ететінін айтады.

Серікбол Хасан, кітап авторы:

Бұл кітаптағы негізгі басымдық — Хиуаз Доспанованың соғыстағы ерлігі, ұшақ басқарудағы түрлі тәсілдері, көкке көтеріліп, жау нысандарын жойған қаһармандығы.

Кітаптың басты ерекшелігі — Хиуаз апайдың өмір жолына байланысты осы уақытқа дейін жазылмаған хронологияны алғаш рет жасап шыққанымыз. Бұған дейін ондай толық хронология жасалмаған екен.

Серік Жұмабек