Қаржылық қауіпсіздік: Мультфильмдер жарыққа шығады

Балаларға базарлық. Қаржылық мониторинг агенттігі балаларды қорғау күніне орай қаржылық қауіпсіздік тақырыбындағы мультфильмдер циклын іске қоспақ. Ертең танымал «Қошқар мен Теке» мультфильмінің алғашқы бөлімі жетекші телеарналар мен Агенттіктің ресми әлеуметтік желілерінде көрсетіледі. Бірінші бөлім қаржы пирамидалары тақырыбына арналған. Кейіпкерлер кішкентай көрерменге мұндай алаяқтық схемаларды қалай анықтау керегін түсіндіреді. Келесі бөлімдерде лудомания, дроптарды пайдалану, интернет-алаяқтық, заңсыз микроқаржылық ұйымдардың қызметі сияқты маңызды тақырыптар қозғалады.

Ернар Тайжан, ҚР Қаржылық мониторинг агенттігінің ресми өкілі:

Мультфильмдер циклі балалар аудиториясына бағытталған және өсіп келе жатқан ұрпақтың қаржылық сауаттылығы мен құқықтық санасын қалыптастыруға бағытталған. Айта кеткен жөн, «Қошқар мен Теке» отандық мультипликация саласындағы кәсіби мамандардың күшімен жарыққа шықты.

Ақниет Балтанова