2026 жыл «Орталық Азия мен Италияның» мәдени қозғалыс жылы болады

Мемлекет басшысы Қасым-Жомарт Тоқаев 2026 жылы «Орталық Азия мен Италияның» мәдени қозғалыс жылы ретінде атап өтуді ұсынды.

Бүгін Астанада бірінші «Орталық Азия – Италия» саммиті өтіп, оған Орталық Азия елдерінің басшылары мен Италияның Премьер-министрі қатысты. Жиында жан-жақты байланысты, стратегиялық серіктестікті одан әрі нығайту жайы айтылды. Айта кету керек, мемлекеттер басшылары енді 2027 жылы Қырғызстанда бас қосатын болды.

Қасым-Жомарт Тоқаев, Қазақстан Республикасының Президенті:

Мәдени өзара ықпалдастыққа келсек, саладағы қарым-қатынастың қарқынды дамып келе жатқанын атап өткім келеді. Бұл халықтар мен елдер арасындағы достық пен өзара түсіністікті нығайтудың негізгі факторы. Гуманитарлық байланысты одан әрі дамыту үшін 2026 жылы Орталық Азия мен Италияның мәдени қозғалыс жылы аясында бірқатар бірлескен іс-шара өткізуді ұсынамын.

Нұрсұлтан Тілектес