Жаңалықтарды Telegram арнамыздан оқыңыз!Израиль Газа секторына гуманитарлық көмек кіргізуге тосқауыл қоюды жалғастыра берсе, Франция Израильге қатысты ұстанымын қатаңдатуы мүмкін. Президент Эммануэль Макрон осылай деп мәлімдеді. Франция президенті Израиль-Палестина қақтығысын шешу үшін екі мемлекет құру туралы шешімді жақтайтынын айтты. "Гуманитарлық блокада адам төзгісіз жағдай туғызды" деді Макрон.
«Би-Би-Си»-дің мәліметінше, БҰҰ-ның гуманитарлық мәселелер жөніндегі басшысы Израиль Газа тұрғындарын аштыққа мәжбүрлеп ұшыратып жатыр деп мәлімдеген. Ұйым өкілінің пікірінше, бұл - әскери қылмысқа тең. Израиль Газа секторын үш ай толық блокадада ұстап келді. Азық-түлік, дәрі-дәрмек пен отын тасымалын тоқтатты. Тек өткен аптадан бастап анклавқа шектеулі гуманитарлық көмек кіргізуге рұқсат берді.
Арай Төлегенқызы
