Премьер-Министр БҰҰ азық-түлік және ауыл шаруашылығы ұйымының бас директорымен кездесті

Премьер-министр Олжас Бектенов БҰҰ Азық-түлік және ауыл шаруашылығы ұйымының бас директоры Цюй Дунъюймен кездесті. Олжас Бектенов Қазақстан агроөнімдер экспорты мен қайта өңдеу үлесін арттыру бағытында алдағы 3 жылда 600-ден астам инвестициялық жоба іске асатынын айтты. Сонымен қатар шегірткемен күреске арналған геоақпараттық жүйе мен FitoSpace платформасы секілді инновациялық бастамаларды атап өтті. Цюй Дунъюй Қазақстанның агросаладағы әлеуетін жоғары бағалап, Қазақстанмен серіктестікті тереңдетуге және орнықты даму бастамаларын қолдауға дайын екенін жеткізді. Бүгінде Қазақстанда шетелдік ұйымның 55-тен астам жобасы іске асырылып жатыр.

Серік Жұмабек