Үстел теннисінен Әлем чемпионаты Қазақстанда өтеді

Қазақстанда 2027 жылы үстел теннисінен алғаш рет Әлем чемпионаты өтеді. Мұндай шешім бүгін халықаралық федерацияның бас ассамблеясында қабылданды. Алқалы отырыста спорттық доданың алдағы төрт жылда нақты қай мемлекетте ұйымдастырылатыны дауысқа салынды. Алғашқы кезеңнің өзінде жүздеген елдің арасында Қазақстан мен Франция көпшілік қолдауына ие болып, еліміз ақтық сында 54,68 пайызбен алға шықты. Айта кетсек, 2027 жылы чемпионат Қазақстанда өтсе, 2028 Жапонияда, 2029 жылы Бразилияда болады.

Жанел Өтеулі