«Әншуақ» гала-концерті «Balapan» телеарнасынан көрсетіледі

Елімізде бір жылға жалғасқан «Әншуақ» республикалық балалар радиофестивалі мәресіне жетті. Ауқымды жобаға еліміздің әр өңірінен 12 мың өрен қатысты. Олардың бірі белгілі композиторлардың шығармаларын шебер орындаса, енді бірі өздері ән шығарып, көптің назарына ұсынды. Солардың арасынан желіде ең көп дауыс жинаған, үздік 13 туынды ғана таңдап алынды. Олар Астанада өткен «Әншуақ» гала-концертінде шырқалып, жүйріктер марапатталды.

Айта кетсек, радиофестиваль былтыр қыркүйек айында басталды. Жобаның негізгі ақпараттық демеушісі - «Қазақстан» телерадиокорпорациясы.

Динара Сәдуақас, Республикалық қосымша білім беру оқу-әдістемелік орталығы директорының міндетін атқарушы:

Қазіргі кезде балалар арасында қазақ тілінде әндер өте аз екен. Сондықтан қазақ тіліндегі шығармашылықты дәріптеу, насихаттау мақсатында осындай радиофестиваль өткіздік. Балаларға арнайы сыйлықтар табысталды.

Жанел Өтеулі