Жаңалықтарды Telegram арнамыздан оқыңыз!Ұлыбританияның Ливерпуль қаласында көлік жаяу жүргіншілерді қағып кетті. 47 адам зардап шегіп, олардың 27-сі ауруханаға түсті. Қалғандарына оқиға орнында медициналық көмек көрсетілген. Оқыс жағдай «Ливерпуль» футбол клубының жеңісін тойлау кезінде болған. Жанкүйерлер тарқай бастағанда «Форд» автомобилі бір топ адамды қағып өтеді. Көлік жүргізушісі сол жерде ұсталды. Ол - Ливерпульде тұратын 53 жастағы британиялық азамат.
Полиция оның мұндай әрекетке неліктен барғанын анықтап жатыр. BBC мәліметінше, оқиға лаңкестік әрекет ретінде қарастырылып жатқан жоқ.
Арай Төлегенқызы
