Абай облысында мамандық таңдау сауаты артқан

Абай облысында биыл мектеп бітіруші түлектер инженерия, өңдеу және құрылыс салалары, педагогикалық ғылымдар, ақпараттық-коммуникациялық технологиялар мен жаратылыстану ғылымдары сынды мамандықтарды көбірек таңдаған. Оқу жылы барысында облыстық білім басқармасы 285 мобильді топ құрып жұмысшы мамандықтар туралы және оқу орындарын таңдау бойынша бағыт-бағдар берген. Нәтижесінде жоғары оқу орындарына 4981 түлек, Ұлттық университеттерге 2161, аймақтық жоғарғы оқу орындарына 2493, ал колледждерге 325 бала түсуге ниет танытқан.

Жанар Бекбұлданова, кәсіптік бағдар беруші маман:

Балалардың дамуына, кәсіптік бағдарға және еңбекке баулуға көп көңіл бөлінген. Біздің мектепте әмбебап шеберханалар және де студиялар жұмыс істеуде. Атап өтсек, ұста шеберханалары, аспаздық асхана және де тігін шеберханасы мен алғашқы әскери дайындыққа баулу.

Ержан Жақып