Ұлттық науқанның екінші күні: «Полиция – балалардың қорғаны»

«Полиция – балалардың қорғаны». Халықаралық балаларды қорғау күніне арналған ұлттық науқанның 2-күні осылай аталады. Акция аясында астаналық оқушылар әскери қызметкерлердің бір күндік өмірін көріп, қару-жарақ және техника түрлерімен танысты. Сонымен бірге қоян-қолтық ұрыстың әдіс-тәсілдеріне қанық болып, әскерилердің спорттық дайындығына куә болды. Шара барысында оқушылар автоматты шашып-жинап көрді.

Медет Орысбаев, 6636 әскери бөлімнің клуб бастығы:

Шараның негізгі мақсаты –  өсіп келе жатқан жастардың әскери қызметке деген, отанға деген, отан қорғауға деген сүйіспеншілігін арттыру. Себебі еліміздің ертеңі де еліміздің қорғаны болатын да  - жастар.

Серік Егінбаев, оқушы:

Әскери қызметке баратын адамдар осы жерден өзіне керекті ақпаратты білді деп ойлаймын. Бұл жерде өте қызықты болды, адамдарды қалай ұстау керегін, адамдарға қалай жәрдем беру керегін көрсетті.

Асылбек Данияр