БҚО полицейлері балаларға дәріс-кеңес өткізді

Батыс Қазақстан облысында полицейлер балалар қауіпсіздігіне арналған ақпараттық акция ұйымдастырды.

«Қауіпсіз аула» акциясы аясында құқық қорғау қызметкерлері балалармен кездесіп, түрлі жағдайды мысалдармен түсіндірді. Қауіпсіздік шараларын қатаң сақтауға үндеді.

Ата-аналарға да ақпараттық парақшалар, жадынамалар таратылды. Материалдарда жол қозғалысы ережелері, буллинг пен кибербуллингтің алдын алу, балалардың үйден кетуінің салдары, сондай-ақ төтенше жағдайлар кезіндегі іс-әрекеттер туралы пайдалы мәліметтер қамтылды. Тәртіп сақшыларының айтуынша, «Полиция әркез балалардың қорғаны болып қала бермек».

Нұрбек Қуандықов, Орал қалалық Полиция басқармасының учаскелік полиция инспекторы:

Түнгі уақытта да рейдтік іс-шаралар жүргіземіз. Кәмелет жасқа толмаған балалардың түнгі сағат 22:00-ден таңғы сағат 06:00 аралығында заңды өкілінсіз жүруге болмайтыны жөнінде түсіндіреміз. Бүлдіршіндеріміздің өмірі, денсаулығы біз үшін өте маңызды.

Ардақ Мұратқызы