Жаңалықтарды Telegram арнамыздан оқыңыз!Қызылордада Рәміздер күніне орай апталық басталды. Мемлекеттік нышандарды кеңінен дәріптеп, насихаттау бағытында түрлі іс-шаралар жоспарланған.
Жалпы облыс көлемінде көптеген патриоттық байқау өтетін болады. Соның ішінде спорттық бағытта қалада көк тумен жаппай велошеру ұйымдастырылады. Еліміздің басты символдарын ұлықтау бір күндік шара болып қалмайды. Апта бойы түрлі мәдени-танымдық кештер күнтізбеге енген. Ал 4-маусым күні Рәміздер аллеясында ту көтеру рәсімі өтеді.
Жағыпар Тажмаханов, қалалық Мәдениет және тілдерді дамыту бөлімінің басшысы:
Жастар қоғам белсенділері, жалпы өзін патриотпын деп есептейтін қала тұрғындары сол велошеруге қатысатын болады. Көшедегі үлкен ғимараттардың терезелеріне, парк атракциондарда мемлекеттік туды іліп қою акциялар секілді «Менің туым – менің мәртебем» деген жастардың арасында түрлі челлендж акциялар ұйымдастырылады.
Әділбек Серікұлы
