Жаңалықтарды Telegram арнамыздан оқыңыз!Сенатор бұзақыларға заңды күшейтуді ұсынды. Себебі үш жыл бұрын бұзақылыққа қатысты 15 мың іс тіркелсе, ал былтыр оның саны 22 мыңнан асқан. Осыған алаңдаушылық білдірген Геннадий Шиповских бірнеше сенатордың атынан Премьер-министрге депутаттық сауал жолдап, ұсынысын айтты. Яғни, Ұлттық жоспар қабылдауды, учаскелік полицейлердің әлеуетін арттыруды, қоғамдық орындарда бейнебақылау камераларының санын көбейтуді, отбасылық құндылықтарға негізделген жаңа бағдарламаларды әзірлеуді, бұзақылық жасағандарға жазаны қатаңдатуды ұсынды.
Геннадий Шиповских, ҚР Парламенті Сенатының депутаты:
Соңғы жаңалықтарға сәйкес, тіпті әкім орынбасарының өміріне де қастандық жасау фактісі де тіркеліп отыр. Сондай-ақ мектептерде балалардың арасында бұзақылық өршіп тұр. Балалар мектепке оқуға барады ма? Әлде төбелесуге барады ма? Адам баласы түсінбейді.
Самал Қабышева
