Трамп: «Алтын күмбез» қорғаныс жүйесі 3 жылда салынады

АҚШ президенті Дональд Трамп зымыранға қарсы «Алтын күмбез» қорғаныс жүйесі өзінің президенттік мерзімі біткенге дейін іске қосылатынын мәлімдеді. Ақ үй басшысының айтуынша, құны 175 млрд долларлық алып жоба болашақ технологиялардың көмегімен салынады. Оған құрлық, теңіз және ғарыш компоненттері кірмек. Ғарышта ескерту және қолға түсіру жүйелері орнатылады. Трамптың айтуынша, «Алтын күмбез» АҚШ аумағына жіберілген кез келген ракетаны, соның ішінде гипердыбысты зымырандарды да атып түсіреді. 

Арай Төлегенқызы