Қазақстандық ғалым метрология саласындағы тың жаңалық ашты

Қазақстандық ғалым метрология саласында бұған дейін болмаған үлкен жетістікке қол жеткізді. Ол елімізде алғаш рет шық, қырау нүктесінің температурасын өз бетінше жаңғыртатын технология жасады. 27 жастағы жас ғалым Асылбек Жұмағали жасаған құрылғы ғылымда үлкен серпіліс әкеліп, шетелге тәуелділікті тоқтатпақ. Жаңа құрылғы 2024 жылы патенттелді. Қазақстан бұл жетістік арқылы халықаралық салыстыру жобасына алғаш рет пилоттық зертхана ретінде қатысып отыр.

Асылбек Жұмағали, ғалым, «Қазстандарт» РМК қызметкері:

Бұл біріншіден метрология саласына ең маңызды. Өйткені жоғары дәлдік эталондары тек қана осы біз жұмыс жасап жатқан метрология институттарында ғана болады. Өлшеу дәлдікті қамтамасыз ету үшін олар калибровкадан өту керек. Ал оны барлығы жасай алмайды. Бұл жасаған эталонды құрал осы дәлдікті қамтамасыз етеді.

Нұрсұлтан Тілектес