Қызылордада жұмысшы мамандар марафонға қатысты

Қызылордада жұмысшы мамандар марафонға қатысты. Түрлі салада еңбек етіп жүрген жандар бұқаралық спортты насихаттап, жарыс жолына шықты.

Олар Сырдария өзенінің жағалауымен 5 шақырымдық қашықтықты жүгіріп өтті. Ең қарт марафоншы 78 жаста болса, ең жасы 18-де. Мұнай-газ, басқа да өндіріс орындарының жұмысшыларымен қатар еріктілер де сайысқа түсіп, барлығы 170-ке жуық адам марафонды еңсерді. Ептілік пен төзімділік танытқандар арнайы марапатталды.

Талант Тілеуов, жұмысшы:

Мен жалпы «ҚазАтомөнеркәсп» компаниясында жұмыс істеймін. Ең бірінші 2022 жылы жүгірдім. Әрдайым жүгіріп тұрамыз. Жалпы салауатты өмір спорт деген жақсы өте пайдалы нәрсе деп ойлаймын. Осындай марафондар көп болса деген ниет.

Әділбек Серікұлы