Газа секторындағы мыңдаған балаға аштық төніп тұр

Израильдің шабуылдарына ұшыраған Газа секторында жағдай қиын. Палестиналық анклав наурыздан бері толық блокадаға алынған. Израиль секторға гуманитарлық көмек, соның ішінде тіпті азық-түлік пен дәрі-дәрмек кіргізуге тыйым салды. БҰҰ 2 млн-нан астам газалыққа аштық қаупі төніп тұрғанын мәлімдеді. Олардың 71 мыңы 5 жасқа толмаған балалар. Халықаралық көмек агенттіктері блокаданы әскери қылмысқа, аштық саясатына теңеп отыр. Ал Израиль мұны жоққа шығарды. Кепілдегілерді босату үшін «ХАМАС»-қа қысым көрсетіп, халықаралық құқыққа сай әрекет етіп жатқанын мәлімдеді. 

Арай Төлегенқызы