Жаңалықтарды Telegram арнамыздан оқыңыз!Алматылық дәрігерлер 28 жастағы науқастың жүрегінен қатерсіз ісікті алып тастады. Көлемі 6 да 4 сантиметр болатын ісік сол жақ жүрекшесінің ішінде орналасып, қозғалып, жүрек қақпақшасының жұмысына кедергі келтіріп тұрған. Содан болар науқас ентігіп, дем жетпей келді дейді дәрігерлер. Эхокардиография нәтижесінде науқастың дерті асқынғанын мамандар бірден анықтап, шұғыл ота жасауды ұйғарған. Операция үш сағатқа созылып, сәтті аяқталды. Қазір емделушінің жағдайы жақсы, дәрігерлер бақылауында.
Нұржан Мүсірепов, Алматы қалалық кардиология орталығының бөлім меңгерушісі:
Операция жасанды қан айналым арқылы жасалды. Жүректі тоқтатып жасадық. Өйткені жүректің ішіндегі қатерлі ісікті – ең маңыздысы толық алып тастау болды. Бұл қатерлі ісік өте жұмсақ. Мармелад сияқты. Инструменттермен ұстаған кезде қатерлі ісік өте бөлініп кету қаупі болды.
Айдана Қуантхан
