Алименттен жалтарған ата-аналардың қарызы 19 млрд теңгеге жетті

Алименттен жалтарып жүрген 15 мың ата-ананың берешегі19 млрд теңгеге жетті. Әділет министрлігінің мәліметінше, жыл басынан бері 1600-ге жуық борышкер әкімшілік жауапкершілікке тартылса, 126 адам қылмыстық жазаға кесілді. Сондай-ақ сот орындаушылары қарызды өндіру мақсатында біршама азаматтың көлігін айыппұл тұрағына қойып, мүліктерін сатуға шығарған. Десе де, табысын жасыратындар азаймай тұр. Жыл басынан бері жұмыссыз жүрген 1300-ден астам борышкер қызметке орналастырылған. Жалпы елде алиментке қатысты 285 мың іс бар. Оның басым бөлігінде алимент жалақыдан ұсталады. Биыл осылайша 1,6 млрд теңгеден астам қаражат өндірілді. 

Динара Жарқынбек