Жаңалықтарды Telegram арнамыздан оқыңыз!Әлемнің «ең кедей» президенті атанған Уругвайдың бұрынғы лидері Хосе Мухика 89 жасында дүние салды. Ол елді 2009-2015 жылдар аралығында басқарды. Ал 1960-70 жылдары Мухика Куба революциясынан шабыт алып, әсіре солшылдар жағында үкіметке қарсы партизандық соғысқа қатысты. 6 рет жараланып, 14 жылын түрмеде өткізген. Президент кезінде Мухика күнкөріс үшін әйелімен гүл өсіріп, жалақысының 90 пайызын қайырымдылыққа аударған. Оның иелігінде шағын ферма мен 1987 жылғы «Фольсваген» көлігі ғана болды. Мамырдың 20-да 90 жасқа толуы тиіс экс-президенттің өңешінен бір жыл бұрын қатерлі ісік анықталған.
Арыстан Рысбек
