Президент Көлік министріне сөгіс жариялады

Президент Көлік министрі Марат Қарабаевқа сөгіс жариялады. Саладағы қордаланған проблемалар мен белгіленген межелердің орындалмауы жаңғырту жұмыстарын жүргізуге кедергі келтіріп отыр. Қауіпсіздік кеңесінің отырысында Қасым-Жомарт Тоқаев осылай деді. Елде шекарадан жүк өткізу қиындап кеткен. Көптеген өткізу бекеттерінің жағдайы нашар. Жаһандық сын-қатерлер күшейген кезеңде Қазақстан өзінің бәсекелестік артықшылығын сақтап қана қоймай, оны нығайта түсуге тиіс деген Мемлекет басшысы «Жасыл дәліз» жүйесін пайдаланудың маңызына тоқталды. Президент көлік-логистика саласындағы проблемаларды шешуге қатысты нақты шаралар қабылдауды тапсырды.

Оңғар Алпысбайұлы